Լավագույն սեքսի 5 բաղադրիչները. med.news.am

Չի կարելի ֆանտազիաները կիսել զուգընկերոջ հետ, քանի որ այն թշնամական վերաբերմունքի եւ խանդի առաջացման կարող է հանգեցնել:

Երբ սեքսի մասին է խոսքը, դժվար թե հնարավոր լինի գտնել մեկին, ով չի ցանկանա ակտիվացնել այն, նույնիսկ եթե իրեն «Դոն Ժուան» է համարում անկողնում: Նոր` կրքոտ հարաբերությունները ժամանակի ընթացքում սպիտակեղենի նման մաշվելու հատկություն ունեն: Եթե ցանկանում եք վերգտնել սիրո կրակը` ձեր զուգընկերոջ հետ հարաբերություններում, կամ պարզապես սեռական հմտությունները զարգացնել` հարկ է գիտնականների առաջարկած հետեւյալ խորհուրդներին հետեւել.

1. Տուրք տվեք երեւակայությանը
   Ծանր աշխատանքային օրվա ընթացքում ստիպված եք առնվազն ութ ժամ չտեսնել ձեր զուգընկերոջը: Այդ ընթացքում անչափ կարեւոր է ցանկության «կրակը» վառ պահել: «Կարելի է ռոմանտիկ եւ սեքսուալ բովանդակությամբ տեքստային հաղորդագրություններ ուղարկել: Դրանք շատ լավ հիշեցում են այն մասին, թե որքան բարձր սեռական կապ ունեք զուգընկերոջ հետ եւ որքան բարձր եք գնահատում նրա ֆիզիկական եւ ներքին գեղեցկությունը», - The Mediacal Daily-ին տված հարցազրույցի ընթացքում նշել է դոկտոր Ֆրան Ուոլֆոշը` Բեվերլի Հիլզից:  Սովորական «սիրում եմ քեզ»-ն անգամ արդյունավետ է, սակայն մինչ այդ` առավոտյան կարելի է սեքս կազմակերպել` օրը «ճիշտ ոտքի վրա» սկսելու համար, ինչը կարող է խթանիչ հանդիսանալ` ավելի կրակոտ հաղորդագրությունների համար: Բացի այդ, ինչպես Սիդնեյի  IVF կլինիկայի գիտահետազոտական խումբն է պարզել, առավոտյան սեքսը կարող է սերմնահեղուկի որակի եւ նույնիսկ կնոջ պտղաբերության վրա դրական ազդեցություն ունենալ:
   
   
2. Ամսվա ընթացքում առնվազն մեկ օր զուգընկերոջից հեռու անցկացրեք
   Առանձին կյանք վարող զույգերը միմյանց կարոտելու հնարավորություն ունեն եւ բարձր են գնահատում կարճ ընդմիջումից հետո հանդիպելու հնարավորությունը: Հետազոտությունը ցույց է տվել, որ մեկ գիշեր տանը չմնալով` կարելի է սեռական հարաբերությունների հաճախականության աճի եւ կենցաղային խնդիրների հետ կապված սթրեսի նվազման հասնել: 
   
   
3. Խոսեք ննջարանում
   Զույգերը պետք է արտահայտեն իրենց սեքսուալ կարիքներն ու ցանկությունները: Այս տեսանկյունից տղամարդիկ ավելի համարձակ են, ինչի պատճառը խորը պատմական արմատներ ունի, քանի որ ոչ հեռավոր անցյալում կանայք միայն կենցաղային աշխատանքով, խոհարարությամբ եւ «ննջասենյակային» պարտականություններով» էին ներշնչված, մինչ տղամարդիկ սովոր էին ողջ օրը դրսում անցկացնելուց հետո գումար բերել տուն:
   
   
4. Նորարար եղեք
   Կանխատեսելի եւ միապաղաղ կյանք վարող զույգերը պետք է սեռական հարաբերությունները ննջարանից դուրս բերեն:  Ամուսնությունների եւ ընտանեկան հարցերով թերապեւտ Լեսլի Դոարեսը խորհուրդ է տալիս անպայման արձակուրդ գնալ: Վերադարձին ննջասենյակն ավելի հաճելի վայր կդառնա:
   
   Սակայն, մեկ այլ հետազոտության համաձայն, սեռական ակոսները հաղթահարելու համար հարկավոր է «ֆանտազիա կիրառել, բայց եւ բերանը փակ պահել»: Ասել է թե` չի կարելի  ֆանտազիաները կիսել զուգընկերոջ հետ, քանի որ այն թշնամական վերաբերմունքի եւ խանդի առաջացման կարող է հանգեցնել: «Եթե անգամ մտքում հակառակ սեռի մարզիկների մի ողջ բանակ եք պատկերացնում, փառք եւ հալելույա, բայց հանկարծ չփորձեք բարձրաձայն խոսել այդ մասին», - զգուշացրել է դոկտոր Ուոլֆոշը` հավելելով, որ ննջասենյակ մտնելիս հարկավոր է բոլոր մտահոգությունները մի արկղի մեջ խցկել, փակել եւ մոռանալ դրա գոյության մասին: «Պարզապես պահը վայելեք», - խորհուրդ է տվել մասնագետը:
   
   
5. Ննջասենյակը մանուշակագույնով հարդարեք
   Անկախ նրանից` ձեր սիրած երանգն է, թե` ոչ, մանուշակագույնը կարող է հրաշքներ գործել սեռական կյանքում: Հետազոտությունը ցույց է տվել, որ հիշյալ խորհրդին հետեւողները շաբաթական միջինը չորս անգամ սեռական հարաբերություն են ունենում, իսկ «կարմիր» ննջասենյակի բնակիչները` երեք: Այնպես որ, շտապեք մանուշակագույն սպիտակեղեն եւ կահույք գնել` սեռական կյանքն ակտիվացնելու համար:

Հարցեր, պատասխաններ, մեկնաբանություններ